شباااااااا ب جاهزين 💪🧬💚🥰💕 اسفه جداً اتأخرت عليكم 🥺😘🥺 بس رجعتلكم المره دي بمعلومات جامده جدا⚡😎🤩 المره ال فاتت اتكلمنا عن فرع صغنطوط اوي في البيوتكنولوجي وهو الميكروبيولوجي وتكلمنا عن البكتيريا والطحالب والفيروسات والفطريات والخمائر وهاتعصب جداً وهازعل اوي كمان لو حد قالي مصطلح جراثيم 😡😔💔 وقولنا عن العلم ده ان هو العلم ال بيدرس الكائنات الحيه الدقيقه التي لاتري بالعين المجردة واتكلمنا عنه شويه ولسه هانتكلم 😘 بس المره دي قررت اننا نتكلم عن فرع تاني من فروع البيوتكنولوجي وهي الكيمياء الحيويه مستعدين بقي،🤔🧬😉 طيب براحه بس ياودو كده علينا وبلاش الحماس الزائد ده علينا واهدي كده شويه وقوليلنا الاول هي إيه أصلا الكيمياء الحيويه دي ؟ هي يعني مش كيمياء وخلاص ولا كيمياء بشرطه يعني😡😉😅 يووووه بالراحه طيب ما تزقوش هاقلكم كل حاجة دلوقتي🤭😔😪👩🔬👩🌾 بصراحه كده هي ايوا كيمياء بشرطه علشان بتتناول التفاعلات ال بتحصل داخل اجسام الكائنات الحيه وكمان بتدرس المركبات الحيويه ال بتشكل اجسام الكائنات الحيه 👩🔬برضو مش فاهمين كده اعتقدت أكتر😭😭😭💔 لا لا لا ولا اتعقدت ولا حاجة علشان انا مش هاسبكم كده وجايبالكم ثلاث مركبات حلوين اوي ولذاذ ايوا بصراحه لذاذ بمعني الكلمه علشان دول يعتبروا الأكل ال احنا بناكله وبيدينا طاقه وهما البروتين و الكربوهيدرات والدهون الثلاث مركبات دول يعتبروا مع بعض المكون الاساسي لاجسامنا كلنا مع مركبات تانيه زي المياه والفيتامينات والاملاح المعدنيه بنسب مختلفه👩🔬 طيب تمام ده ايه علاقته بقي بالموضوع 🤔 ماهي الكيميا الحيوي بقي هي ال بتدرس المركبات دي 👩🔬اه تمام كده وصلت شويه صغننين☺️تمام وهاتوصل أكتر لما نتكلم عن اول مركب فيهم وهو البروتين🥩 البروتين ده يا شباب بصراحه كده يعتبر من وجهة نظري هو اهم مركب فيهم كلهم لان هو ال بيشكل الجسم بيبنيه زي العضلات وكمان بيقوم بوظائف في الجسم زي الدم و الانزيمات والهرمونات وكمان بيدي طاقه علشان الواحد جرام منه فيه اربعه كالوري يعني بيعمل كل حاجه تقريباً علي حسب نوعه لأن منه البروتين التركيبي ال بيدخل في تركيب الجسم وتشكل العضلات والبناء وكمان بروتين وظيفي بيعمل وظيفه معينه في الجسم زي الإنزيمات والهرمونات 👩🔬طيب يا دودو البروتين ده طلع حلو وقصه كبيره اوي ما تقوليلنا كده بس الأول قبل ما نتعمق وندخل في شغل كيمياء احنا بتاخد بس البروتين ده منين الاول بيدخل جسمنا عن طريق ايه 🥰☺️لا انتوا كده مش مركزين ما انا قولت الاول عن طريق الاكل وهو موجود في حاجات كتير أشهرهم اللحوم والبيض والبقوليات 🥓🥩🍗🍖🍳🥒🥔🥚 وطبعاً لما نتعرف على البروتين اكتر هانعرف أن مافيش حاجه ما فيهاش بروتين بس خلينا الاول نقول هو البروتين ده بيتركب من ايه؟👩🔬 بيتركب من وحدات أصغر إسمها الأحماض الأمينية يعني ببساطه لما جزيء البروتين الكبير ده يدخل الجسم الانزيمات بتحلله ال هي أصلا بروتين 🤣🤣🤣 كوميديا مش كده فخلينا نقول بيحصلو تمثيل غذائي عن طريق دورات هدم معينه هانتكلم عنها ان شاءالله بالتفصيل لوحدها علشان يتحول لجزيئات اصغر علشان الجسم يعرف يمتصها ويستفاد منها علشان الجسم مش بيعرف يمتص الجزيئات الكبيره زي البروتين فابيحوله بقي لوحدات أصغر اسمها الأحماض الامينيه والاحماض الامنيه دي بترتبط مع بعضها بروابط اسمها روابط ببتيديه والسلسه الببتديديه دي بتشكل بروتين طبعاً بعد تشكيل جزيء صغنطوط من اتنين حمض أميني اسمه ببتيد علشان كده الرابطه اسمها رابطه ببتيديه 👩🔬طيب تمام بتتركب من ايه بقي الأحماض الامينيه دي وايه قصتها مش قولنا كيمياء بقي🤔🧬 ايوا طبعاً هانقول اهو 👩🔬🤩 عباره عن ذرة كربون واحنا عارفين أو مش عارفين وادينا عرفنا ان الكربونc رباعي التكافؤ يعني لازم يرتبط بأربع حاجات طيب ايه هما اول حاجه مجموعة الأمين NH3 معاهم مجموعة كربوكسيل بتاع الحمض 👩🌾 COOH وكمان ذرة هيدروجينH وكمان المجموعه الفعاله ال بتميز كل حمض اميني عن الثاني ال هي ال R group وكده عرفنا التركيب نعرف العدد بقي هما عشرين حمض اميني منهم احماض امينيه ضرورية الجسم بيحتاجها جداً ومش بيقدر يخلقها واسمها اسينشيال امينو السيد وفيه غير ضرورية الجسم بيخلقها حوله عادي وطبعا نون اسينشيال وفيه شبه ضرورية وكده بقي يبقي خلصنا علشان ما اطولش عليكم والمقال يطول أكتر من كده والمره الجايه اجبلكم شكل الحمض الاميني الكيميائي والفراغي وهانتعرف بإذن الله علي اسم كل حمض من العشرين و المجموعه الفعاله بتاعته وهو ضروري او لا وكمان هانشكل مع بعض الرابطه الببتيدية وهانعمل بروتين وهاتعرف علي الاربع مستويات الخاصه ببناء البروتين فلو قلت كل ده دلوقتي مش هاخلص والمقال هايطول ها انتظروني بقي وادوني وقتي وباااااااااي اشوفكم المقال الجاي🤗😍💕🥰
معلومات المدون
يجب عليك تسجيل الدخول لنشر تعليق.